Auspiciado por el Ministerio de Cultura de la Nación

English

Organización Interwichí

Toj p’ante pajche wichi laka niyatey lhayhethumpej toj yomhu hop lawhoy toj lup, chelhchep, nawup wit yachep tiwuheseyape’ tot’ekwe tonfweshu toj tot’einlok is alhuhu hop imak toj tolhi fwenhumche.

Hop wichi lhayis tatshepiya hop elh toj yenlakahiyata, wit hote iwusey che ihipej tales hop niyatey toj ihi lhamilh: hin’u niyat, atsinha niyat wit hote lhoy’a hop mamse. Wit wichina ikfwi hop iyhoj toj thonhoy wit chiyhelos lanhoyaj ifwenhumpej wit ichefwenhenpej ifwenhu hop lakeyis tot’inhayaj toj w’enhahiche toj tolejlo’ hop hunhat lakaespiritus toj fwitses. Hote hop mamses iwusey che yihuya wit tach’uta hop lhamilh lakaniyat.

Toj 1992 wichi lakaniyatey toj ihi ocho comunidades Pozo del Tigre, Las Lomitas, Juan G. Bazán wit Pozo del Mortero toj ihi Formosa lakahunhat lhip tolhoy’a hop APCD (Asociación para la Promoción de la Cultura y el Desarrollo) tolhifwenhumche tipostsin hop Interwichi.

Hop wichi lhayis lhayhethu toj yomumpej hop wel’a elh, wit che iche hop imak toj tonkelej, wit tifwelh tot’oneyhen hop wichi lhayis lakaniyatey wit italok nompej dos o tres niyatey toj tolheyhen hop law’etes wit hote hop APCD lhayis iyej. Wit hote hop reuniones law’et ihi hop elh che hope che t’einlok isechu, wit niyatey hopehen hop hin’ulh wit atsinhay, mamses thonhoy wit chiyhelos hope wichi toj iyhoj tatshepiya yomthilak itetshan hop imak toj tamenej tolhayhethu wit tiwuheseya.

Interwichi n’olej nichothajche hop tokeyis toj pajche p’ante yenkeyisayej toj lakaniyatey lhaihethumpej toj yomhu lawhoy itetshan hop imak toj is wit lhoya imak toj katsiya toj ihipej wichi lakahunhates. Iche lawhoy toj tiwutamsechayej toj tolhifwenhumche wit toisyen’alhuhu